Ադրբեջանական Trend լրատվական գործակալության փոխանցմամբ` այսօր տեղի է ունենալու Վրաստանի խորհրդարանի արտահերթ նիստ, որում խորհրդարանը պետք է վստահություն հայտնի կառավարության նոր կազմին ու նրա ծրագրին, որը նախատեսված է առաջիկա 4 տարիների համար:
Վրաստանի նոր կառավարությունը գլխավորելու է ներքին գործերի նախկին նախարար Վանո Մերաբիշվիլին: Ներքին գործերի նախարար է նշանակվելու պաշտպանության նախկին նախարար Բաչո Ախալայան, պաշտպանության նախարար կդառնա` կրթության և գիտության նախկին նախարար Դմիտրի Շաշկինը, իսկ կրթության և գիտության նախարարի պաշտոնը զբաղեցնելու է փախստականների ու հարկադիր վերաբնակների նախկին նախարար Դալի Խոմերիկին:
Մյուս նախարարները պահպանել են իրենց տեղը: Խորհրդարանում ներկայացված ընդդիմությունն արդեն իսկ հայտարարել է, որ դեմ է քվեարկելու կառավարության նոր կազմին: