Այսօր Ազգային ժողովում կառավարության հետ հարց ու պատասխանի ընթացքում Վիկտոր Դալլաքյանը ներկայացրեց գրավոր նամակ` ուղղված կառավարությանը, մասնավորապես պաշտպանության նախարար Սեյրան Օհանյանին, որում խոսվում է բանակում առկա տարաբնույթ բացասական զարգացումների մասին` նորակոչիկ և սպայական անձնակազմի միջև, ինչի պատճառը նաև Հայաստանում առկա կրթության բացասական որակն է:
Հետևաբար նա Սեյրան Օհանյանից հետաքրքրվում էր, թե ինչ քայլեր է կատարում ռազմակրթական որակը բարձրացնելու ուղղությամբ, ինչպես նաև հետաքրքրվեց, թե վերջերս Վանաձորում սպանված Գևորգ Կոտինյանի սպանության գործը ինչ ընթացքի մեջ է:
Սեյրան Օհանյանը պատգամավոր Վիկտոր Դալլաքյանի հարցին ի պատասխան նշեց, որ միանշանակ աշխատանք է տարվում, և թեև ՊՆ համակարգը փակ մարմին է, բայց աշխատում է հնարավորինս թափանցիկ դառնալ:
«Չնայած տուժողների շրջանում թերհավատություն կա, չպետք է թերհավատ լինել: ՊՆ-ը և նախարարը բաց են և բաց են լինելու բոլորի համար»,- նշեց Սեյրան Օհանյանը:
Իսկ ինչ վերաբերում է սպանության գործին, ասաց, որ այն տեղի է ունեցել վիճաբանության և ծեծկռտուքի արդյունքում, հարուցվել է քրեական գործ, ձերբակալվել է 3 մարդ:
