Թունավորվել է շմոլ գազից
Փետրվարի 8-ին, ժամը 19.26-ին ստացված տեղեկության համաձայն` շմոլ գազից թունավորվել է Արարատի մարզի Նոր Խարբերդ գյուղի 24-րդ փողոցի թիվ 236 տան բնակիչ, 1936 թ. ծնված Ամալյա Գրիգորյանը, որին «1-03» ծառայության բրիգադի կողմից ցուցաբերվել է բուժօգնություն:
Բախվել է գազի խողովակին
Փետրվարի 9-ին, ժամը 00.55-ին ահազանգ է ստացվել, որ Երևանի Խորհրդարանի փողոցի թիվ 4/1 շենքի մոտ ավտոմեքենան բախվել է գազի խողովակին, և առկա է գազի արտահոսք:
Դեպքի վայր է մեկնել երկու մարտական հաշվարկ:
Դեպքի վայրում պարզվել է, որ «Մազդա-6» մակնիշի ավտոմեքենան բախվել է գազի խողովակին, ինչի հետևանքով առաջացել է գազի արտահոսք, որը ժամը 01.15-ին դադարեցվել է «1-04» ծառայության աշխատակիցների կողմից:
Մինչ հրշեջ-փրկարարների ժամանելը, թեթև մարմնական վնասվածքներով Երևանի «Նաիրի» բժշկական կենտրոն են տեղափոխվել ավտոմեքենայի վարորդ, 1987 թ. ծնված Հարութ Բարսեֆյանը և ուղևոր, 1986 թ. ծնված Նազելի Ազիզյանը:
Ըստ բժիշկների` տուժածների առողջական վիճակը գնահատվել է բավարար:
