Մասաչուսեթսի նախկին նահանգապետ Միթ Ռոմնին երեքշաբթի հաղթել է Յուտա նահանգում Հանրապետական կուսակցության պրայմերիզը,- հաղորդում է Associated Press-ը:
Ռոմնիի համար քվեարկել են բոլոր 40 պատվիրակները: Մինչդեռ The Salt Lake Tribune-ը գրում է, որ նրան աջակցել են պատվիրակների 90%-ը: Ինչևէ, դեռ նախքան Յուտայի պրայմերիզը Մասաչուսեթսի նախկին նահանգապետը բավարար ձայներ ուներ՝ իրեն հանրապետականների թեկնածու առաջադրելու համար:
Պարբերականը գրում է, որ Յուտայի պրայմերիզում քվեարկության արդյունքը կանխորոշված էր: Մասամբ դա կապված է այն հանգամանքի հետ, որ Յուտան ոչ պաշտոնապես համարվում է մորմոնների գլխավոր նահանգը, իսկ Միթ Ռոմնին ինքը հենց մորմոն է: 2008 թ. տվյալներով՝ մորմոնները կազմում են այս նահանգի բնակչության 58%-ը:
Հանրապետականներից նախագահական պայքարին մասնակցում է միայն կոնգրեսական Ռոն Փոլը: Նա դադարեցրել է ընտրական քարոզարշավը, բայց ցանկանում է ստանալ պատվիրակների աջակցությունը նահանգների համագումարներում:
Ռոմնին փաստացիորեն ապահովել է իր առաջադրումը Հանրապետական կուսակցությունից՝ Տեխասի պրայեմրիզում հավաքելով ձայների 69%-ը: Հենց այդ ժամանակ էր նրա օգտին քվերակրող պատվիրակների թիվը գերազանցեց 1144-ը:
ԱՄՆ նախագահաակն ընտրությունները տեղի կունենա 2012 թ. նոյեմբերի 6-ին: Ռոմնիի մրցակիցը կլինի ԱՄՆ գործող նախագահ Բարաք Օբաման Դեմոկրատական կուսակցությունից։
