Հարավային կղզին՝ երկու գլխավոր կղզիներից մեկը, որոնց վրա տեղակայված է Նոր Զելանդիան, հայտնվել է ձյան առատ տեղումների տակ: Խաթարվել է հաղորդակցությունը մի քանի հիմնական ավտոմայրուղիների վրա: Վարորդներին կոչ է արվել այսօր ճանապարհներին դրսևորել առավելագույն զգուշավորություն, ղեկին նստել միայն խիստ անհրաժեշտության դեպքում: Սպասվում է, որ օրվա ընթացքում դեռևս 30 մմ ձյուն կտեղա: Այս մասին հաղորդում է Itar-Tass-ը:
Օդերևութաբանների կանխատեսումներով՝ Անտարկտիկայից եկած ցուրտ և ուժգին քամին կթուլանա միայն շաբաթվա վերջում: Հյուսիսային կղզում, որը նորզելանդական երկրորդ գլխավոր կղզին է, ձյուն է տեղացել միայն լեռնային շրջաններում, իսկ հովիտներում՝ երեկ և անցած գիշեր միայն հորդառատ անձրևներ են տեղացել:
Նոր Զելանդիայում, ինչպես նաև հարավային կիսագնդի մյուս երկրներում, հիմա ձմեռ է: Հունիսի 21-ը եղել է տարվա ամենակարճ օրը:
