Եգիպտոսի Գերագույն վարչական դատարանը դադարեցրել է արդարադատության նախարարության որոշումը, ըստ որի՝ զինծառայողներն օժտված են ոստիկանական լիազորություններով: Այս մասին հաղորդել են եգիպտական ԶԼՄ-ները:
Դատարանը որոշում է կայացրել արդարադատության որոշումը փոխանցել փորձագետներին` մանրամասն վերլուծության ենթարկելու համար, որից հետո կկայացվի վերջնական դատավճիռ:
Հիշեցնենք, որ Եգիպտոսի արդարադատության նախարարությունը հունիսի 13-ին որոշում էր կայացրել, որը եգիպտական զինված ուժերի զինծառայողներին իրավունք է տալիս ձերբակալել օրենքը խախտած քաղաքացիական անձանց: Այս հրամանը գործելու էր մինչև Եգիպտոսի նոր սահմանադրության ընդունումը:
