Իրանական Fars News լրատվական գործակալության փոխանցմամբ՝ ԱՄՆ-ը և ԵՄ-ը 18 երկրի թույլ են տվել շարունակել իրանական նավթի ներկրումը՝ անկախ Իրանի նավթային ու բանկային սեկտորների դեմ սահմանված պատժամիջոցների: Այդպիսի որոշում է ընդունվել իրանական նավթի նկատմամբ այլընտրանքի բացակայության պատճառով:
ԵՄ-ն իրանական նավթի ներկրման վրա բեռնարգելք է դրել հունվարի 23-ին, որն ամբողջությամբ ուժի մեջ է մտնելու հուլիսի 1-ին, որպեսզի այդ ժամանակահատվածում (կես տարի) երկրները կարողանան իրանական նավթին փոխարինող գտնել:
Սակայն ի վերջո ԵՄ-ի նիստում որոշվել է իրանական նավթի ներկրման շարունակման թույլտվություն տալ Եվրոպայի, Ասիայի ու Աֆրիկայի 18 երկրների: Այդ երկրների մի մասը վերջին ամիսներին անգամ ավելացրել են իրանական նավթի ներկրումը:
