Փոփ արքա Մայքլ Ջեքսոնի կանխամտածված սպանության համար 4 տարվա ազատազրկման դատապարտված բժիշկ Կոնրադ Մյուրեյը ափսոսում է, որ ի շահ վկայություն չի տվել անցած տարի տեղի ունեցած դատավարության ընթացքում: Այս մասին ինչպես հաղորդում է terra.com-ը, հայտնել են նրա երկու փաստաբանները, որոնք Մյուրեյին էին այցելել Ջեքսոնի մահվան 3-րդ տարելիցի կապակցությամբ:
6 շաբաթ տևած դատավարության ընթացքում դատարանը նրան մեղադրել էր նաև, որ Մյուրեյը հապաղել է շտապօգնություն կանչել, իսկ երբ արդեն բուժանձնակազմը եկել է՝նա չի պատմել երգչին պրոպոֆոլի ներարկման մասին:
Փաստաբաններն ասում են, որ Մյուրեյը Ջեքսոնին պրոպոֆոլի փոքր քանակություն է տվել՝ օգնելու նրան քնել: Թմրանյութերից կախվածություն ունեցող երգիչը մի բուռ հաբեր է խմել՝ առանց Մյուրեյի գիտության:
Մյուրեյի փաստաբանները միշտ էլ հերքել են նրա մեղքը, սակայն նա երբեք իր օգտին վկայություն չի արել, ինչի համար հիմա շատ է ափսոսում:
Մանրուքներ կային, որոնք կարող էին որոշիչ դեր ունենալ գործում, սակայն քաջ գիտակցելով այն հանգամանքը, որ երգչի մահվան պահին ինքը մենակ է եղել, և իր արդարացիությունն ապացուցելն ավելի քան բարդ է, նախընտրել է լռել:
