Միլանի ֆոնդային բորսայի առաջատար` FTSE MIB ինդեքսը երեկ՝ Մոսկվայի ժամանակով ժ. 18:20-ին, ընկել է 3.64 տոկոսով, Մադրիդի IGBM-ում հարթակի ինդիկատորը այդ ժամանակ արդեն կորցրել էր 3.4 տոկոս:
Եվրոպական մյուս շուկաները ևս առևտուր են կատարում «կարմիր» սահմանագծին. ֆրանսիական САС 40-ը նվազել է 2.36 տոկոսով, գերմանական DAX-ը` 1.87 տոկոսով, բրիտանական FTSE 100-ը` 1.01 տոկոսով:
Ինչպես նկատում է Reuters-ը, եվրոպական ինդեքսների անկումը օրվա երկրորդ կեսին արագացել է ներդրողների այն մտավախությամբ, որ հունիսի 28-29-ը գագաթանժողովում քաղաքական գործիչներին չի հաջողվի պայմանավորվել պարտքային ճգնաժամի ուղիների պայքարի եղանակների հարցում:
Իսպանական ինդեքսի տատանման վրա ազդել է նաև Մադրիդի պաշտոնական հարցումը` օգնություն տրամադրել բանկերի ռեկապիտալիզացիայի համար:
Առաջատար ինդեքսների անկմամբ են բացվել նաև ամերիկյան բորսաները: Բացման առաջին ժամերին Dow Jones ինդեքսը կորցրել է 1.33 տոկոս, S&P 500-ը` 1.61 տոկոս, Nasdaq-ը` 1.82 տոկոս:
