«Մեր կանաչ տարածքները բավականին պակասել են, մենք ուզում ենք մի շարժում սկսել, որի նպատակը երիտասարդների, դպրոցականների ուշադրությունը կանաչ տարածքների պահպանման վրա սևեռելն է: Նոր սերնուդը պետք է բուսասեր, անտառասեր դաստիարակվի»,- «Ինչպես փրկել անտառը. նոր այլընտրանքային ծրագիր» թեմայի շուրջ խոսելով՝ ասաց Հանրային խորհրդի տարածքային կառավարման և տեղական ինքնակառավարման հարցերի հանձնաժողովի նախագահ Կորյուն Առաքելյանը:
Նոր սկսվող շարժումը կկոչվի «Կանաչների շարժում», որին կմասնակցեն բոլոր շահագրգիռ մարմինները, բնապահպանության, գյուղատնտեսության նախարարությունները, կներգրավվի նաև կրթության նախարարությունը, որը կզբաղվի դպրոցներին աշխատանքներում ներգրավմամբ և ակտիվացմամբ, «Հայանտառը», ինչպես նաև մի շարք բնապահպանական հասարակական կազմակերպություններ:
Կստեղծվի նաև խորհուրդ, որը կհամակարգի այս բոլոր մարմինների աշխատանքը: