Ռուսական ВЗГЛЯД թերթի փոխանցմամբ՝ ընդդիմադիր «Ազատ դեմոկրատներ» կուսակցության առաջնորդ Իրակլի Ալասանիան, վերադառնալով ԱՄՆ-ից, հայտարարել է, որ ԱՄՆ-ը ազդանշաններ է ուղարկում նախագահ Միխեիլ Սաակաշվիլին այն մասին, որ նրա համար եկել է հեռանալու ժամանակը.
«Ես հանդիպումներ եմ ունեցել սենատորների, կոնգրեսականների հետ, և բոլորն ունեն նույնատիպ դիրքորոշում: Նրանք պատրաստ են լինել Վրաստանի, սակայն ոչ կոնկրետ քաղաքական գործչի կողքին:
Հոկտեմբերին Վրաստանում կայանալիք խորհրդարանական ընտրությունների վերաբերյալ ԱՄՆ-ում բոլորը խոսում են՝ որպես արդար ճանապարհով իշխանափոխություն անցկացնելու մասին: Այդպիսի դիրքորոշում ունի նաև Սաակաշվիլիի հայտնի ընկեր, սենատոր Ջոն Մաքքեյնը:
Մաքքեյնը կարծում է, որ Սաակաշվիլին ու նրա կառավարությունը պետք է փոխարինվեն առաջիկա ընտրությունների արդյունքում: Հունիսի սկզբին Վրաստան այցելած ԱՄՆ պետքարտուղար Հիլարի Քլինթոնն այդպիսի ազդանշան էր բերել իշխանություններին:
Երկիրը ղեկավարել եք 8 տարի, այժմ հեռացեք, վրաց ժողովրդին թույլ տվեք ընտրել նոր իշխանություն: Վրաստանի իշխանությունները խուճապի մեջ են, և այդ վիճակում նրանք իշխանությունը չկորցնելու համար դիմել են վերջին լծակի՝ բռնության ու ահաբեկման օգնությանը»:
