Հայաստանի Ազգային անվտանգության խորհրդի (ԱԱԽ) քարտուղար Արթուր Բաղդասարյանի հրավերով Երևանում է Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Նիկոլայ Բորդյուժայի գլխավորած պատվիրակությունը:
Այսօր կայացած հանդիպման ժամանակ Բաղդասարյանը և Բորդյուժան քննարկել են ՀԱՊԿ-ի շրջանակում սեպտեմբերին Հայաստանի տարածքում «Փոխգործակցություն – 2012» համատեղ զորավարժության նախապատրաստմանը և անցկացմանը, Հայաստան – ՀԱՊԿ համագործակցության ընթացքին վերաբերող այլ հարցերի լայն շրջանակ, մտքեր են փոխանակել նաև տարածաշրջանային և միջազգային իրադրությանն առնչվող հարցերի վերաբերյալ:
«Փոխգործակցություն – 2012» զորավարժությունը կազմակերպվելու է ՀԱՊԿ-ի անդամ պետությունների զինված ուժերի համատեղ օպերատիվ և մարտական պատրաստության այս տարվա ծրագրի շրջանակներում: