Իրանական ISNA լրատվական գործակալության փոխանցմամբ՝ Կարմիր ծովում կանխվել է իրանական առևտրանավի առևանգման փորձը: Այս մասին հայտարարել է 4-րդ ռազմածովային շրջանի հրամանատար, դերծովակալ Սեյեդ Մահմուդ Մուսավին:
Վերջինիս խոսքերով՝ իրանական առևտրանավը ենթարկվել է ծովահենային 4 արագագնաց մոտորանավակների հարձակման. «Օգնության ազդանշանի ստացումից անմիջապես անց Իրանի ռազմածովային ուժերը ժամանել են դեպքի վայր և փախուստի են մատնել ծովահեններին: Նավը բարեհաջող հասել է նշանակման վայր:
Երկու օր առաջ էլ իրանական լցանավը Բաբ էլ Մանդեի նեղուցի մոտ 3 անգամ ենթարկվել էր ծովահենների 11 մոտորանավակների հարձակման: Իրանի ռազմածովային ուժերը հաջողությամբ հետ են մղել նաև այդ հարձակումները»:
