РИА Новости-ի փոխանցմամբ՝ Իրանի միջուկային ծրագրի շուրջ տարվող բանակցություններում հետագա առաջընթացի գրանցումը կախված է հուլիսի 3-ին Ստամբուլում կայանալիք «Վեցյակի» փորձագետների և Իրանի ներկայացուցիչների հանդիպման արդյունքներից: Այս մասին հայտարարել է ԵՄ-ի դիվանագիտության ղեկավար Քեթրին Էշթոնը:
Վերջինիս հաստատել է նաև, որ հուլիսի 1-ից լիովին ուժի մեջ է մտնելու իրանական նավթի ներկրման նկատմամբ ԵՄ-ի սահմանած բեռնարգելքը, որը սահմանվել էր հունվարի 23-ին:
Հիշեցնենք, որ այս տարի Իրանի ու «Վեցյակի» միջև անցկացվել է բանակցային երեք փուլ՝ Ստամբուլում (ապրիլի 14), Բաղդադում (մայիսի 23-24) և Մոսկվայում (հունիսի 18-19):
