Ջորջոս Կիրիակոս Պանայոտին, որն ավելի շատ հայտնի է որպես Ջորջ Մայքլ, ծնվել է 1963թ. հունիսի 25-ին Լոնդոնում: Նրա երաժշտական կարիերան սկսվել է 1981թ., երբ իր դպրոցական ընկերոջ` Էնդրյու Ռիջլիի հետ ստեղծեց The Executives խումբը, որը հաջողություն չունեցավ: Այդ ժամանակ երաժիշտները որոշեցին հանդես գալ դուետով ու սկսեցին հանդես գալ որպես Wham!: Չնայած Wake Me Up Before You Go Go ու Last Christmas երգերի կոմերցիոն մեծ հաջողությանը` 1986թ. խումբը ցրվեց: Wham!-ի Careless Whisper ու A Different Corner սինգլները փաստացի կատարում էր միայն Մայքլը:
Wham!-ի փլուզումից հետո երգիչը հայտարարեց սոլո կարիերա սկսելու մասին:
1987թ. լույս տեսած Faith ալբոմը վաճառվեց 16 մլն օրինակով, ընդ որում` Billboard ամսագիրն այն անվանեց ամենավաճառվող ձայնասկավառակը ԱՄՆ-ում:
Երկրորդ` Listen Without Prejudice, Vol. 1 ալբոմը Մայքլին պարգևեց երկու նոր հիթ`Freedom!’ 90-ը ու Praying For Time-ը, սակայն ալբոմն ընդհանուր առմամբ ավելի պակաս շահութաբեր էր առաջին ալբոմից:
1996թ. լույս է տեսնում երաժշտի երրորդ` Older ալբոմը, որն ավելի շատ հաջողություն է վայելում Եվրոպայում, քան ԱՄՆ-ում:
1998թ. լույս տեսավ նրա լավագույն հիթերի Ladies And Gentlemen: The Best Of George Michael հավաքածուն: 2002թ. երգիչը փորձեր արեց վերադարձնել անցյալի փառքը, սակայն հաջողություն չունեցավ:
2005թ. Բեռլինի միջազգային կինոփառատոնում կայացավ George Michael: A Different Story վավերագրական ֆիլմի պրեմիերան, որի սցենարի հեղինակը երգիչն էր:
2006թ. նոյեմբերի 11-ին լույս տեսավ Twenty Five ալբոմը` բաղկացած երաժշտի լավագույն հիթերից ու նվիրված երգչի 25-ամյա գործունեությանը: Բացի այդ` 15 տարվա մեջ առաջին անգամ Մայքլը մեկնեց համաշխարհային շրջագայության:
2011թ. Մայքլը հիվանդացավ թոքաբորբով և գտնվում էր կյանքի ու մահվան միջև: Ներկայում նա բուժվում է Լոնդոնի իր բնակարանում:
Երգչին շնորհվել է երկու «Գրեմմի» մրցանակ Faith ալբոմի համար (1988) և «Լավագույն R&B դուետ»` Արետա Ֆրանկլինի հետ (1987):
