Կլիմայի գլոբալ տաքացման հետևանքով ծովի մակարդակն աշխարհում ամենաարագը բարձրանում է ԱՄՆ արևելյան ափին՝ Հյուսիսային Կարոլինայից մինչև Բոստոնի հյուսիս ընկած 600 մղոն տարածքը՝ հեղեղման վտանգի տակ դնելով աշխարհի ամենաթանկ լողափերը: Այդ շրջանում, Ատլանտյան օվկիանոսի մակարդակը տարեկան բարձրանում է 3-4 անգամ ավելի արագ, քան գլոբալ մակարդակը 1990 թվականից: Այս մասին են վկայում գիտական հետազոտության արդյունքները, որոնք ներկայացնում է The Daily Mail-ը՝ մեջբերելով Nature Climate Change ամսագրից:
2011-ի օգոստոսի 28-ին Այրին փոթորկից հետո Հյուսիսային Կարոլինայի որոշ հատված հեղեղված է, քանի որ ծովի մակարդակը ավելի արագ է բարձրանում ԱՄՆ արևելյան ափին, քան ամբողջ աշխարհում: Այդ ժամանակվանից, աշխարհում ծովի մակարդակը բարձրացել է 5 սմ-ով: Սակայն Վիրջինիայի ափին ցուցանիշը 12 սմ է, Ֆիլադելֆիայում՝ 9,4 սմ, Նյու Յորքում՝ 7 սմ:
Կլիմայական փոփոխությունների հետևանքով Գրենլանդիայի և արևմտյան Անտարկտիկայի սառցադաշտերը հալչում են , ինչն էլ պատճառ է դառնում ծովի մակարդակի բարձրացման:
Մինչ 2100 թվականը, գիտնականներն ու համակարգչային մոդելները ծովի մակերևույթի գլոբալ բարձրացումը գնահատում են 1 մետր: Նման պարագայում եթե եղանակային պայմանները վատանան և փոթորիկ սկսվի, ապա որոշ տարածքներ ջրի տակ կացնեն:
