«Գյուրմու քաղաքապետ Վարդան Ղուկասյանը վերջին շրջանում բավականին ակտիվացել է: Նա մեկ զբաղված է քաղաքի լուսավորությամբ, մեկ՝ ասֆալտապատմամբ, մեկ էլ, տեսնես, կանաչապատում է: Գյումրեցիները շատ բորբոքված են, որ բարեկարգման քողի տակ քաղաքապետը քամում է բյուջեն. ՀՀԿ-ն այլևս չի ցանկանում քաղաքապետի ընտրություններում սատարել իրեն հուսախաբ արած և տարբեր ժամանակներում կրիմինալ պատմությունների մեջ ընկած Վարդան Ղուկասյանին, և վերջինս դա քաջ գիտակցում է»,- գրում է «Երկիր»-ը և հավելում.
«Մեր տեղեկություններով՝ ԲՀԿ-ից Գյումրու քաղաքապետի թեկնածուն լինելու է Աժ պատգամավոր Մարտուն Գրիգորյանը, դա, ի դեպ, ՀՀԿ-ի սրտով է: Նրա քաղաքապետ նշանակվելով՝ ՀՀԿ-ն երկու ցանկալի հարց է լուծում՝ նախ ազատվում է Վարդան Ղուկասյանից, երկրորդ` Գրիգորյանի փոխարեն մեծամասնականով պատգամավոր է ընտրվում ՀՀԿ-ական Արման Սահակյանը»:
