Ֆրանսիայի նախագահ Ֆրանսուա Օլանդը ֆրանսիական կառավարությունում ընդգրկել է չորս նոր նախարարի այն բանից հետո, երբ խորհրդարանական ընտրություններում հաղթանակ տարան սոցիալիստները: Այս մասին լրագրողներին հայտնել է Ելիսեյան պալատի գլխավոր քարտուղար Պիեռ–Ռենե Լեման:
Կիրակի օրը երկրում տեղի ունեցած խորհրդարանական ընտրությունների երկրորդ փուլի արդյունքներով՝ Սոցիալիստական կուսակցությունը և նրա դաշնակիցները ստացել են Ազգային ժողովի 577 տեղերից 314-ը՝ ապահովելով բացարձակ մեծամասնություն Ստորին պալատում:
Ֆրանսիայում ձևավորված ավանդույթի համաձայն` ընտրությունների հաջորդ օրը վարչապետ Ժան-Մարկ Էիրոն նախագահին ներկայացրել է կառավարության հրաժարականը: Օլանդն ընդունել է հրաժարականը, որից հետո վարչապետին հանձնարարել է ձևավորել նոր կառավարություն:
Բոլոր առանցքային նախարաները մնացել են իրենց պաշտոններում:
