Քարդաշյան քույրերն ընդլայնում են նորաձևության իրենց կայսրությունը: Նրանք Արևմտյան Հոլիվուդի Մելրոզ պողոտայում բացել են իրենց հերթական` DASH խանութ-սրահը, որը գտնվում է Marc Jacobs և Diane von Furstenberg բրենդային խանութների հարևանությամբ:
DASH սրահը զբաղեցնում է 186 քառակուսի մետր տարածք: Խանութի բացմանը մասնակցել են ավագ քույրերը Քիմն ու Քորթնին: Վերջինս հղի է, նրա երկրորդ երեխան լույս աշխարհ կգա հաջորդ ամիս:
«Հեռուստատեսային շոուի մեկնարկից հետո մենք մեր սեփական խանութների ցանցը հիմնադրեցինք: Նորաձևությունը միշտ առաջին տեղում է, և մենք կշարունակենք ուշադրության կենտրոնում պահել խանութները»,- պատմել է Քիմ Քարդաշյանը հոլիվուդյան տաբլոիդների հետ հարցազրույցում,-«եթե տարածքը լավը լինի, ապա վաճառքն էլ լավ կընթանա»:
Քիմ Քարդաշյանը հույս է հայտնել, որ իր խանութ-սրահը հետիոտների ակտիվություն կառաջացնի Մելռոզում:
Քարդաշյանների կայսրությունը ներառում DASH հագուստի խանութներ` Նյու Յորքի Սոհո առևտրաժամանցային թաղամասում և Մայամի Բիչում:
Հայազգի քույրերի հեղինակությունը տարեցտարի աճում է: 2011-ի վերջին նրանք Լաս Վեգասում բացեցին Kardashian Khaos խանութը:
