Միջազգային հանրությունը հնարավոր չի համարում Սիրիայում «Լիբիական սցենարի» կրկնությունը:
«Ես կարծում եմ, որ շատերի հիշողության մեջ դեռ կա լիբիական փորձը, և այս իրավիճակում ոչ ոք չի ցանկանում կրկնել ռազմական ներխուժման սցենարը»,- հայտարարել է Արաբական պետությունների լիգայի գլխավոր քարտուղարի տեղակալ Ահմադ բեն Հելլին, որի խոսքերը մեջբերում է Interfax-ը:
«Ես կարծում եմ, որ այդ տարբերակը չի քննարկվում ամբողջ միջազգային հանրության կողմից, ոչ միայն Ռուսաստանի, այլ նաև ԱՊԼ-ի, ամերիկացիների և եվրոպացիների կողմից»,- հայտարարել նա:
Բեն Հելիի խոսքերով՝ ՄԱԿ-ի ԱԽ-ն պետք է զինված խաղաղապահներ ուղարկի Սիրիա, որոնք ավելի լավ, քան դիտորդները, կկարողանան նպաստել Քոֆի Անանի ծրագրի իրականացմանը:
Բացի այդ՝ ԱՊԼ ներկայացուցիչը կոչ է արել Ռուսաստանին դադարեցնել ռազմական համագործակցությունը Սիրայի հետ:
«Ես կարող են ասել, որ բռնությանը ցանկացած աջակցություն պետք է դադարեցվի, քանի որ երբ դուք ռազմական սարքավորումներ եք մատակարարում, դուք օգնում եք սպանել մարդկանց: Դա պետք է դադարեցվի»,- ասել է նա:
Հիշեցնենք, օրերս հաղորդվում էր, որ ԱՄՆ-ի համար Սիրիայում ռազմական միջամտությունը միայն ժամանակի հարց է:
