РИА Новости-ի փոխանցմամբ՝ ռուս փորձագետներն ամփոփել են հունիսի 18-19-ը Մոսկվայում Իրանի ու «Վեցյակի» միջև տեղի ունեցած «միջուկային» բանակցությունների արդյունքները:
Նրանց կարծիքով՝ այդ բանակցությունների գլխավոր արդյունքը հանդիսացավ այն, որ որոշվեց բանակցությունները շարունակել հուլիսի 3-ին Ստամբուլում: Ըստ փորձագետների՝ ոչ ոք չէր սպասում, որ Մոսկվայում կողմերը կհանգեն բեկումնային պայմանավորվածությունների:
Ժամանակից Իրանի հետազոտման կենտրոնի գլխավոր տնօրեն Ռաջաբ Սաֆարովը հայտարարել է, որ մոսկովյան հանդիպումն ավարտվեց Իրանի հաղթանակով. «Արևմտյան երկրները՝ կախված այդ հանդիպման արդյունքներից, մտածում էին Իրանի հետ բոլոր բանակցությունների դադարեցման մասին: Նրանք ցանկանում էին, որ այդ բանակցությունները ձախողվեն և միջազգային հանրությանը վստահեցնում էին նրանում, որ մոսկովյան հանդիպումն Իրանի վերջին հնարավորությունն է:
Սակայն Արևմուտքն ընդունեց Իրանի առաջարկները: Դրանցում խոսք է գնում Իրանի միջուկային ծրագրի խնդրի աստիճանական կարգավորման մասին: Մոսկովյան հանդիպման ժամանակ արևմտյան երկրներն արդեն Իրանից չէին պահանջում ուրանի հարստացման դադարեցում:
Նրանք իրանական կողմին առաջարկեցին նվազագույնը 4 անգամ նվազեցնել ուրանի հարստացումը: Իրանն էլ պատասխանեց, որ դրա համար անհրաժեշտ է, որ արևմտյան երկրներն ապահովեն ատոմային վառելիքի իրեն անհրաժեշտ ծավալը: Դա այդ հանդիպման ժամանակ պաշտոնական Թեհրանի երկրորդ հաղթանակն էր:
Ապա իրանական կողմը հիշեցրեց խաղաղ նպատակներով ատոմային էներգիայի գործածման մասին Իրանի հոգևոր առաջնորդի արձակած ֆեթվայի (կրոնական հրամանագիր) մասին: Դա հանդիսացավ իրանական կողմի քաղաքական երաշխիքը՝ միջուկային էներգիան խաղաղ նպատակներով գործածելու համար:
Մոսկովյան հանդիպման ժամանակ որոշում ընդունվեց ստեղծել միջազգային փորձագետներից բաղկացած հանձնաժողով՝ Իրանի միջուկային ծրագրի խնդիրը հետազոտելու համար»:
