Ադրբեջանական «Ազեր ռոուդ սերվիս» ընկերությունն ավարտել է Մարաբդայից Կարզախի 29 կիլոմետրանոց երկաթգծի հատվածը` Բաքու-Թբիլիսի-Կարս երկաթգծի հիմնական մասը: Ինչպես հաղորդում է Trend-ը՝ հղում անելով Վրաստանի ենթակառուցվածքային և տարածաշրջանային նախարարությանը, այսօր վերջին մի քանի մետրերն են կառուցվել:
Ինչպես հաղորդել է Վրաստանի ենթակառուցվածքային և տարածաշրջանային նախարար Ռամազ Նիկոլաշվիլին, արդեն իսկ մոտ ապագայում Բաքու-Թբիլիսի-Կարս երկաթգծով կսկվեն բեռնատար և ուղևորատար տեղափոխումները:
«Այս երկաթգիծն արդեն իրականություն է և մոտ ապագայում մենք կհամոզվենք դրանում: Միանշանակ դա ամենակարճ ճանապարհն է Եվրոպայի և Ասիայի միջև, և մենք արդեն բեռների տեղափոխման պատվերներ արդեն ունենք, այնպես որ ճանապարհն ամբողջությամբ ծանրաբեռնված կլինի,- հայտարարել է նա:
Իր հերթին Ադրբեջանի տրանսպորտի նախարարության «Ազեր ռոուդ սերվիս» ղեկավար Ջավիդ Գուրբանովը ընդգծել է, որ տարածաշրջանի երկրներ համար սա դարի շինարարություն է, և այն շատ մեծ նշանակություն ունի ինչպես Ադրբեջանի, այնպես էլ Վրաստանի և Թուրքիայի համար:
