Գիտնականները պարզել են, որ աղջկական բամբասանքները լսելը «խլացնում» է մարդկանց: Բամբասանքներն այնքան են բթացնում իգական սեռի ներկայացուցիչների ուշադրությունը, որ փորձին մասնակցած կանանց 2/3-ը չի լսել տղամարդու միջամտող երգը՝ «Ես գորիլա եմ»: Կարճ նախադասությունը նա կրկնել է 19 վայրկյանի ընթացքում:
Հետազոտությունը, որն անցկացրել է Լոնդոնի Royal Holloway համալսարանը, պարզել է, որ չնչին թվացող բամբասանքը գրավում է մարդու ողջ ուշադրությունը և թույլ չի տալիս խոսակցության ժամանակ կողմնակի ազդակներ ընկալել:
Daily Mail-ը, մեջբերելով Cognition ամսագրում տպագրված հոդվածը, նշում է, որ փորձին մասնակցող կանանց միայն 30 տոկոսն է լսել տղամարդու միջամտող ձայնը: Ի դեպ՝ մասնակիցները ականջալուր են եղել երկու կանանց բամբասանքի ձայնագրությանը:
Նման մեխանիզմ է ընկած նաև բջջային հեռախոսով խոսկացությամբ տարվելու դեպքում: Այն գրավում է ուշադրությունն ու մարդուն անտարբեր դարձնում երթևեկության աղմուկի նկատմամբ:
Հետազոտության նպատակն էր պարզել խոսակցության ազդեցությունն ուշադրության վրա:
