Աֆղանստանի Հոսթ քաղաքում իրականացված ահաբեկչության հետևանքով զոհվել է 18, վիրավորվել 35 մարդ: Այս մասին հաղորդում էXinhua գործակալությունը՝ վկայակոչելով քաղաքային հիվանդանոցի ներկայացուցիչներին:
Գործակալության հաղորդմամբ՝ մահապարտը ականապատ մոտոցիկլետը պայթեցրել է միջազգային ռազմական կոալիցիայի ավտոշարասյան մոտ:
Agence France-Presse-ը՝ վկայակոչելով Աֆղանստանում անվտանգության համագործակցության միջազգային ուժերի (ISAF) հրամանատարությանը, հայտնում է, որ ահաբեկչության հետևանքով զոհվել են ՆԱՏՕ-ի մի քանը զինծառայողներ:
Աֆղանստաում ռազմական գործողություններին մասնակցում է ամերիկյան կոալիցիայի բազմազգ կոնտինգենտը, որը գլխավորում է ԱՄՆ-ը, ինչպես նաև ISAF-ի կոնտինգենտը՝ ՆԱՏՕ-ի հրամանատարությամբ: Նրանց նպատակը ահաբեկչական խմբավորումների ոչնչացումն է:
