Ամերիկացի նախկին ռազմական օդաչու Դևիդ Հեմլերը խոստովանել է 28 տարվա վաղեմության դասալքությունը, հաղորդում է The New York Times-ը: Շվեդիայից հեռախոսով տրված հարցազրույցում նա պատմել է Գերմանիայի զորամասից փախչելու մանրամասները:
Հեմլերը ծառայել է գերմանական Աուգսբուրգ քաղաքի ԱՄՆ ռազմաօդային ուժերի էսկադիլիայում, որտեղ աշխատել է ԽՍՀՄ-ի դեմ ուղղված գաղտնի ծրագրի վրա: 1984թ. աշնանը նա վրդովված նախագահ Ռոնալդ Ռեյգանի արտաքին քաղաքականությամբ՝ փախել է Շվեդիա: Այնտեղ ամերիկացին փոխել է անունը՝ կառավարությանը հայտնելով, որ իր որդին անօթևան է: Շուտով Հեմլերը ժամանակավոր կացութան իրավունք է ստացել, ամուսնացել և դարձել երեք երեխաների հայր:
Հեմլերի խոսքերով՝ ինքը չէր կարող մտածել, որ գաղտնի կյանքը կձգվի 30 տարի, և ենթադրում էր, որ իրեն արագ կգտնեն: Մանավանդ որ դրանից հետո նա դարձել է ԱՄՆ ռազմաօդային ուժերի ամենափնտրվող դասալիքը: Նրա հետախուզման մասին հայտարարությունը մինչ այժմ տեղադրված է ԱՄՆ ռազմաօդային ուժերի հատուկ քննությունների բաժնի կայքում: Իսկ Հեմլերի հարազատնտերը նրան մահացած են համարել:
2012թ. հունիսին Հեմլերը որոշել է, որ ժամանակն է ամեն բան պատմել ԱՄՆ-ում ապրող իր հարազատներին: Նա զանգահարել է կրտսեր եղբորը՝ Թոմասին, որն ուրախացել է անսպասելի նորությունից և խոստովանել, որ զայրացած չէ նրա դեմ: Այժմ Դևիդը պատրաստվում է մեկնել ԱՄՆ՝ հարազատների հետ տեսակցելու:
Բացի այդ՝ Հեմլերը կապվել է ԱՄՆ ռազմաօդային ուժերի հատուկ հետաքննությունների բաժնի հետ: AirForceTimes-ի հետ զրուցում զինվորականները խոստովանել են, որ էլեկտրոնային նամակ են ստացել Հեմլերից: Պարբերականի զրուցակիցը նշել է որ իրենք վաղուց կասկածում էին, որ Հեմլերը Շվեդիայում է: նա նշել է, որ իրենք չեն պատրաստվոմ հանել մեղադրանքը նրա վրայից և պատրաստվում են նրան պատասխանատվության ենթարկել:
Ինչ է սպասվում նախկին սպային՝ առայժմ պարզ չէ: Ռազմաօդային ուժերը համոզում են Հեմլերին հանձնվել, սակայն նա դեռ չի պատրաստվում այդ քայլին դիմել:
