Facebook-ը սոցիալական ցանցի բաժնետոմսերի գինը երեք օր անընդմեջ աճ է գրանցում: Նման դրական միտում մայիսի 17-ից ի վեր, ինչ ցանցը դուրս եկավ բորսային շուկա, չէր գրանցվել: Արժեթղթերի գնի աճը պայմանավորված է գովազդային հնարավորությունների ընդլայնամբ: Ընկերությունը նման քաղաքկանություն է որդեգրել՝ սոցցանցը ներդրողների աչքում վերստին գրավիչ դարձնելու համար:
New Tork Post-ի փոխանցմամբ՝ սոցցանցի բաժնետոմսերի գինն աճել է 4.7 տոկոսով՝ հասնելով 31.41 դոլարի: Բորսային շուկա դուրս գալու օրը բաժնետոմսերի արժեքը 38 դոլար էր, որից հետո սկսեց աստիճանական անկումը: Ամենացածր ցուցանիշը գրանցվել է հունիսի 6-ին: Այդ օրը մեկ բաժնետոմսն արժեցել է 25.52 դոլար:
Անցած ամսվա ընթացքում միլիարդատեր ներդրող Dallas Mavericks-ի սեփականատեր Մարկ Քուբանը սոցցանցի բաժնետոմսեր է ձեռք բերել՝ 3 տարբեր գներով: 50 հազար արժեթղթերը նրան վաճառվել են 33 դոլարով, ևս 50 հազարը 31.97 դոլարով և մյուս 50 հազարը՝ 32.50 դոլարով: Նա արդեն իրացրել է իր բաժնեմասը:
Facebook-ն այժմ աշխատում է տեղայնացված (ըստ բաժանորդների գտնվելու վայրի) բջջային գովազդի փորձարկման վրա, որը թույլ կտա գովազդատուներին իրական ժամանակում առաջարկներն ուղղել հենց թիրախին:
Սոցիալական ցանցն ընդլայնում է ոչ միայն մարկետինգային հնարավորութունները, այլև նոր ծառայություններ ձեռք բերում, որոնցից է դեմքերը ճանաչող Face.com-ը:
