Թուրքական Doğan լրատվական գործակալության փոխանցմամբ՝ Թուրքիայի հարավարևելյան քրդաբնակ վայրերում գտնվող քաղաքների բանտերում դարձյալ հրդեհներ են բռնկվել:
Մասնավորապես, երեկ երեկոյան ժամը 18.00-ին անհայտ պատճառներով վերստին հրդեհ է բռնկվել Շանլըուրֆայի բանտում: Դրանից անմիջապես հետո դեպքի վայր են ժամանալ հրշեջ և շտապօգնության 3 մեքենաներ: Սակայն բազմաթիվ բանտարկյալներ ծխահարվելու պատճառով տեղափոխվել են հիվանդանոցներ: Տարվում է հետաքննություն: Օրեր առաջ այս բանտում բռնկված հրդեհի հետևանքով մահացել էր 13 մարդ:
Բացի այս, հրդեհներ են բռնկվել նաև Ադանայի 2 ու Գազիայնթեփի 1 բանտերում: Դրանք գրանցվել են տեղական ժամանակով ժամը 19.00-ին և 20.00-ին: Հրդեհների հետևանքով հիվանդանոցում է հայտնվել 24 մարդ, որոնցից 18-ին դուրս չեն գրել հիվանդանոցից:
