Գերմանացի նեոնացիստն օգնել է «Սև սեպտեմբեր» խմբավորման պաղեստինցի ահաբեկիչներին` իրագործել 1972թ. Մյունխենի Օլիմպիադայի ահաբեկչությունը: Այս մասին հայտնում է Spiegel-ը` հղում կատարելով Գերմանիայի ներքին անվտանգության ծառայության փաստաթղթերին:
Հատուկ ծառայությունների նյութերում մասնավորապես առկա է Դորտմունդի ոստիկանության հեռագիր, որից հնարավոր է ենթադրություն անել նեոնացիստի մասնակցության մասին` իսրայելցի մարզիկների առևանգմանը: Հեռագիրն ուղարկվել էր 1972թ. հուլիսին, ահաբեկչությունից երկու ամիս առաջ:
Ոստիկանության հաղորդագրության մեջ նշվել է, որ ինչ-որ Սաադ Վալլին, որը ինչպես հետագայում պարզվել է` «Սև սեպտեմբերի» առաջնորդ Աբու Դաուդն էր, գաղտնի հանդիպել է գերմանացի նեոնացիստ Վիլլի Փոլի հետ, որը պաղեստինցի ահաբեկչին օգնել է ձեռք բերել կեղծ փաստաթղթեր:
Ներկայում Վիլլի Փոլը դետեկտիվներ է գրում ու վաղուց ոչ մի առնչություն չունի ծայրահեղական խմբավորումների հետ:
Նա ընդունել է, որ անգիտակցաբար է օգնել ահաբեկիչներին իրենց պլանն իրագործելիս:
1972թ. հոկտեմբերին Փոլի ու նրա համախոհին ձերբակալել էին Մյունխենում ու հայտնաբերել ինքնաձիգներ, ձեռքի նռնակներ ու այլ զինատեսակներ: Ու չնայած ապացույցներին՝ նրան մեղադրանք էր առաջադրվել միայն զենքի անօրինական պահպանման համար ու դատապարտել 2 տարվա և 2 ամսվա բանտարկության:
Մյունխենի Օլիմպիադայի ահաբեկչությունը պաղեստինցի արմատականների պատասխանն էր պաղեստինցի մարզիկներին Օլիմպիադայի մարզիկների ցանկում ընդգրկելու մերժմանը:
1972թ. սեպտեմբերի 5-ին 8 ահաբեկիչ, ներխուժելով իսրայելի հավաքականի տեղակայման վայրը, սպանել էին 2 մարզիկի ու գերի վերցրել 9 մարդու:
