Հունաստանի աջակենտրոն «Նոր ժողովրդավարություն» կուսակցությունը, որը նախնական տեղեկություններով հաղթում է երկրում երեկ անցկացված խորհրդարան ընտրությունների նախնական արդյունքներով, հայտարարել է, որ հույները քվեարկել են եվրոգոտում մնալու օգտին:
Կուսակցության առաջնորդ Անտոնիս Սամարասը ձեռնամուխ է եղել «ազգային փրկության կառավարություն» կազմավորելու, իր բնորոշմամբ «անհետաձգելի» գործին: Նրա հիմնական մրցակից ձախ «Սիրիզա» կուսակցության նախագահը համաձայնել է, որ Սամարասին առաջինը պետք է հնարավորություն ընձեռվի կոալիցիոն կառավարություն կազմավորել:
Հունաստանի Ներքին գործերի նախարարության տվյալներով, մշակված քվեների մոտ 80 տոկոսը բաժին է հասել է «Նոր ժողովրդավարներին» (29,9%-130 տեղ խորհրդարանում), «Սիրիզայի» կոալիցիան հավաքել է 26, 7% կամ 71 տեղ խորհրդարանում: Սոցիալիստանական «Պասոկ» կուսակցությունը, որը տասնյակ տարիներ եղել է հունական քաղաքականության ամենաազդեցիկ ուժը հավաքել է 12,4% կամ խորհրդարանական 33 մանդատ:
BBC-ի անգլիական ծառայության փոխանցմամբ, եթե այս տեղեկությունները լրջագույն փոփոխությունների չենթարկվեն, «Նոր ժողովրդավարները» կկարողանան կոալիցիա ձևավորել «Պասոկ»-ի հետ, քանի որ ըստ գործող օրենսդրության ձայների մեծամասնությունը ստացած քաղաքական ուժը ստանում է հավելյալ 50 մանդատ խորհրդարանում:
Հիշեցնենք, որ Հունաստանի խորհրդարանը բաղկացած է 300 խորհրդարանականներից:
