Արժույթի միջազգային հիմնադրամի նախագահ Քրիստին Լագարդը եվրոգոտու երկրներին առաջարկել է ստեղծել ֆինանսական վարչության հատուկ գերատեսչություն եվրոգոտու բոլոր երկրների համար, ինչպես նաև թողարկել եվրոբոնդեր:
Ֆրանսիական լրատվամիջոցներին տված հարցազրույցում նա նշել է, որ այդ քայլերը անհրաժեշտ են ԵՄ երկրներին տնտեսական վիճակի վատացումը կանխարգելելու համար:
«Չի կարելի սահմանափակվել արժութային միության ստեղծմամբ, անհրաժեշտ է քայլ կատարել դեպի բյուջեի վերահսկողություն: Դրանով պետք է զբաղվեն ոչ թե երկրների կենտրոնական բանկերը, այլ ԵՄ իշխանությունները»,- հայտարարել է Լագարդը:
Նրա խոսքով` շատ կարևոր է եվրոգոտում նման ինստիտուտների հիմնադրումը:
ԱՄՀ ղեկավարը միաժամանակ նշել է, որ այդ հարցը չի կարող մեկ օրում լուծվել:
