Ինչպես հաղորդում է Associated Press գործակալությունը, Օբաման կրկին մեկնաբանություններ է արել Եգիպտոսի ներկայիս իրավիճակի վերաբերյալ: «Եգիպտոսն այլևս չի լինի այնպիսին, ինչպիսին եղել է»,- ասել է Օբաման:
Նա կրկին վերահաստատել է այն կարծիքը, որ Եգիպտոսի ներկայիս նախագահն ինքը գիտի, թե երբ պետք է հեռանա: Ակնհայտ է, ըստ Օբամայի, որ Եգիպտոսի ժողովուրդը ազատություն և արդար ընտրություններ է ցանկանում: Օբաման նաև մեկնաբանել է «Մուսուլման եղբայրների» հետ բանակցությունների փաստը` հայտնելով, որ կրոնական և քաղաքական այդ կազմակերպությունը չունի Եգիպտոսի ժողովրդի մեծամասնության աջակցությունը:
Հիշեցնենք, որ երեկ կառավարության և ընդդիմության ներկայացուցիչների միջև սկսվել են բանակցություններ, որոնք տարաբնույթ մեկնաբանությունների և կարծիքների տեղիք էր տվել, քանի որ այդ բանակցություններին մասնակցել էր նաև «Մուսուլման եղբայրներ» կազմակերպության ներկայացուցիչը: