Քիչ առաջ մեկնարկել է ՀՀԿ գերագույն մարմնի նիստը:
ՀՀԿ գրասենյակ են այցելել ՀՀԿ ու ՀՀ նախագահ Սերժ Սարգսյանը և վարչապետ Տիգրան Սարգսյանը։
Նիստից առաջ, ՀՀԿ կենտրոնական գրասենյակի դիմաց բողոքի ցույց են կազմակերպել Երևանի Տիգրան Մեծի, Խանջյանի փողոցներում բնակարաններից զրկված բնակիչները:
Մինչև նախագահի գալը, բնակիչների հետ զրուցել է Երևանի քաղաքապետ Տարոն Մարգարյանը, լսել նրանց բողոքները: Քաղաքապետը հորդորել է բնակիչներին շարժվել դեպի քաղաքապետարան և սպասել իրեն մինչև նիստի ավարտից հետո ինքը ևս կգնա քաղաքապետարան և կլսի նրանց պահանջները:
Հիշեցնենք, որ այսօրվա նիստում քննարկվելու է կառավարության նոր կազմը։
