«Ցավում ենք, որ դեսպանի նշանակումը այսքան երկար տևեց: Ինձ համար մեծ պատիվ է Բաքու վերադառնալ դեսպանի կարգավիճակով»,- ասել է Ադրբեջանում ԱՄՆ նորանշանակ դեսպան Մեթյու Բրայզան Բաքու ժամանելուց հետո:
Тrend-ի հաղորդմամբ, Բրայզան ասել է, որ ակնկալում է երկու երկրների միջև հարաբերությունների ամրապնդում և համագործակցության խորացում՝ հանուն խաղաղության ամրապնդման, առաջընթացի և ժողովրդավարական ինստիտուտների զարգացման:
Հիշեցնենք, որ Մինսկի խմբի համանախագահ աշխատած Բրայզային ԱՄՆ նախագահ Բարաք Օբաման Ադրբեջանում դեսպան էր նշանակել՝ չնայած սենատի ընդդիմությանը, օգտվելով իր սահմանադրական իրավունքից: