ԱՄՆ պետքարտուղար Հիլարի Քլինթոնի մեղադրանքն այն մասին, որ Ռուսաստանը մեծապես ավելացրեց Սիրիայի ճգնաժամը, մարեց հինգշաբթի օրը, երբ Պետդեպարտամենտն ընդունեց, որ այն ուղղաթիռները, որոնք Սիրիա ուղարկելու համար Քլինթոնը մեղադրում էր Ռուսաստանին վերանորոգված էին, այլ ոչ թե՝ նոր:
Associated Press-ը հաղորդում է, որ այդ ուղղաթիռները մի ժամանակ պատկանել են հենց Բաշար Ալ-Ասադի կառավարությանը: Այս պնդումն ինչ-որ չափով բարդացրեց Օբամայի վարչակազմի` Սիրիայի հետ կապված նպատակները և ռուս–ամերիկյան հարաբերությունները՝ երկու երկրների առաջնորդների կարևոր հանդիպումից առաջ։
Քլինթոնն իր խոսքում չէր նշել, որ ուղղաթիռները նոր չեն եղել, երբ հայտնել էր, որ ԱՄՆ-ն անհանգստացած է, որ Ռուսաստանից Սիրիա մարտական ուղղաթիռներ են առաքվում:
Պետդեպարտամենտի խոսնակ Վիկտորյա Նուլանդը պնդել է, որ բացթողումն այնքան էլ էական չի եղել, սակայն նա չի հայտնել, թե ինչու Պետդեպարտամենտը նախկինում չէր հաղորդել այդ տեղեկությունը: