Brent մակնիշի նավթի գինն ընթացիկ տարում կարող է ընկնել մինչև 50 դոլար` 1 բարելի դիմաց: Նման կանխատեսմամբ են հանդես եկել շվեյցարական Credit Suisse բանկի վերլուծաբանները: Այս մասին գրում է բրիտանական The Daily Telegraph-ը:
Credit Suisse-ում ընթացիկ դրությունը եվրոյի գոտում համեմատում են 2008թ. հետ ու նշում, որ համաշխարհային շուկան դառնում է ավելի ու ավելի անկայուն:
Բանկի մասնագետները կարծում են, որ զարգացման բոլոր հնարավոր անբարենպաստ սցենարները Եվրոպայում կարող են սկսվել ընթացիկ տարվա ամռանը եվրոգոտու հավանական կրախով:
Չնայած Credit Suisse-ի բացասական կանխատեսումներին, Brent մակնիշի նավթի 1 բարելի արժեքը հունիսի 13-ին աճել է ավելի քան 1 դոլարով ու գերազանցել 98 դոլարը: Հունիսի 14-ին գինը մի փոքր նվազել է` մոտավորապես 1 դոլարով` 97 դոլար 1 բարելի դիմաց:
WTI մակնիշի նավթի ֆյուչերսների գինը, ինչպես նշում է Bloomberg-ը, հունիսի 14-ին գտնվում է 8-ամսյա մինիմումի շրջակայքում:
