Ադրբեջանական Trend լրատվական գործակալության փոխանցմամբ՝ վրացի օդերևութաբանները կանխատեսել են, որ հունիսի 14-ը լինելու է 1966 թվականից հետո ամենաշոգ օրը Վրաստանում: Արևմտյան Վրաստանում ջերմաստիճանն անցնելու է 40 աստիճանից, ինչն այս դարում աննախադեպ է Վրաստանի համար: Այսօր Արևելյան Վրաստանում նույնպես ջերմաստիճանը կհասնի 40 աստիճանի:
Վրացի օդերևութաբանների տվյալներով՝ Արևելյան Վրաստանում օդի ամենաբարձր ջերմաստիճանը (39 աստիճան) գրանցվել է 1922 թվականի հունիսի 18-ին Թբիլիսիում, մինչդեռ Արևմտյան Վրաստանում օդի ամենաբարձր ջերմաստիճանը (41 աստիճան) գրանցվել է 1966 թվականի հունիսի 4-ին Քոբուլեթիում:
Օդերևութաբանները կանխատեսում են, որ արդեն հունիսի 16-ին ջերմաստիճանը մի փոքր կնվազի, քանի որ այդ օրը ողջ Վրաստանում սպասվում են անձրևներ:
