Ամերիկյան Billboard ամսագրի ընթերցողները քվեարկության միջոցով ընտրել են ժամանակակից փոփ երաժշտության ամենասեքսուալ ներկայացուցիչներին: Պարբերականն իր կայքում հրապարակել է ամենահրապուրիչ երգիչների և երգչուհիների վարկանիշային աղյուսակը: Քվեարկությանը մասնակցել է ավելի քան 600 հազար մարդ:
Տղամարդկանց վարկանիշային աղյուսակում առաջին տեղը զբաղեցրել է Ադամ Լամբերտը, որը վերջին շրջանում համագործակցում է Queen խմբի հետ: Հարցման մասնակիցները փոփ երգչին տվել են ձայների 26 %-ը: Թոփ-10-ի երկրորդ հորիզոնականում հայտնվել է Maroon 5 խմբի առաջնորդ Ադամ Լևինը (12 %), երրորդ տեղում կանադացի երիտասարդ երգիչ Ջասթին Բիբերն է (10 %):
Ամենասեքսուալ փոփ արտիստների լավագույն տասնյակն ունի հետևյալ տեսքը.
1. Ադամ Լամբերտ
2. Ադամ Լևին
3. Ջասթին Բիբեր
4. Էնրիկե Իգլեսիաս
5. Բիլ Կաուլիտց
6. Բրունո Մարս
7. Ջոն Բոն Ջովի
8. Քրիս Բրաուն
9. Աշեր
10. Դրեյք
Ինչ վերաբերւմ է կանանց վարկանիշային աղյուսակին, այստեղ առաջատարը Բրիթնի Սփիրսն է, որը ստացել է ընթերցողների ձայների 45 %-ը: Նրան հաջորդում է Լեդի Գագան (12 %), երրորդ հորիզոնականում Բեյոնսեն է (8 %):
Ամենասեքսուալ երգչուհիների Թոփ-10-ն ունի հետևյալ տեսքը.
1. Բրիթնի Սփիրս
2. Լեդի Գագա
3. Բեյոնսե
4. Ռիհանա
5. Քեթի Փերի
6. Դեմի Լովատո
7. Մադոննա
8. Ջենիֆեր Լոպես
9. Նիկի Մինաժ
10. Թեյլոր Սվիֆթ
