Կրծողները Հայաստանում վերջին 5-6 տարվա ընթացքում կտրուկ շատացել են։ Իսկ պատճառը, ինչպես մեզ հետ զրույցում նշեցին Արարատի և Արմավիրի մարզի բնակիչները, այն է, որ կրծողների դեմ պայքարը նախկինում մեծ տարածքներ էր ընդգրկում, իսկ հիմա տարածքները փոքրացել են։
«Քանի որ բյուջեից տրամադրվող գումարները կրճատվել են, թունանյութն էլ բնականաբար ավելի քիչ տարածքների համար է տրամադրվում։ Ինչն էլ կրծողների թվի ավելացման հիմնական պատճառն է։ Սակայն, եթե այսպես շարունակվի, կրծողները սպառողների բաժին հացը իրենցով կանեն, և մի քանի տարի հետո սպառողները առանց գյուղմթերքի կմնան. մեր ցանածը չենք հասցնում հավաքել, քանի որ կրծողներն իրենցով են անում»,- մեզ հետ զրույցում դժգոհեց Արարատի մարզի հողագործներից Հայկը։
