Բոստոնյան մաֆիայի ղեկավար Ջեյմս Բալգերի ընկերուհին` 61-ամյա Քեթրին Գրիգը, դատապարտվել է 8 տարվա ազատազրկման այն բանի համար, որ օգնել է հանցագործին թաքնվել իշխանություններից ավելի քան 16 տարի: Այս մասին հաղորդում է The New York Timesա-ը:
Գրիգը պետք է վճարի նաև 150 հազար դոլար տուգանք: Ինչպես հաղորդում է Boston Globe-ը, կինը չի զղջացել իր արարքի համար:
2012թ. մարտին Գրիգը գործարքի էր գնացել հետաքննության հետ ու ընդունել էր հանցագործին թաքցնելու փաստը: Այս նպատակով նա մեկնել էր Բոստոնից 1995թ.:
Բալգերը թաքնվում էր 1994թ. դեկտեմբերից: Գրիգն ու Բալգերը կալանավորվել էին 2011թ. հունիսի 22-ին Սանտա Մոնիկայում: 82-ամյա Բալգերը մեղադրվում է 19 սպանության հետ առնչություն ունենալու մեջ: Նրա գործի քննությունը նախատեսված է նոյեմբերին:
Իշխանությունների տեղեկություններով` Բալգերը եղել է իռլանդացի ներգաղթյալների Winter Hill կրիմինալ սինդիկատի ղեկավարը:
