CNN Türk-ի փոխանցմամբ՝ Ստամբուլի Սարըյեր շրջանում գտնվող ոստիկանության շենքը ենթարկվել է զինված հարձակման: Անհայտ անձինք ձեռքի նռնակով ու ինքնաձիգներով հարձակում են գործել ոստիկանատան վրա:
Ոստիկանատան վրա նետված ձեռքի նռնակը պայթել է, սակայն ոստիկանները չեն տուժել դրանից: Ոստիկաններն իրենց հերթին կրակ են բացել երկու հարձակվողների վրա, որոնցից մեկը ստացած 7 փամփուշտներից տեղում մահացել է: Միջադեպը գրանցվել է երեկ՝ տեղական ժամանակով ժամը 23.00-ին: Հարձակման պատճառները մնում են անհայտ: Տարվում է հետաքննություն:
