Ադրբեջանական Salam News գործակալությանը տված հարցազրույցի ժամանակ Ադրբեջանի առաջին նախագահ Այազ Մութալիբովը հայտարարել է, որ հաջորդ շաբաթ վերադառնալու է Բաքու.
«Ես շատ ուրախ եմ, որ Միլլի մեջլիսի այսրվա արտահերթ նիստում կրկնակի քվեարկման դրվեց և հաստատվեց «Նախկին նախագահների ու նրանց ընտանիքի անդամների մասին» սահմանադրական օրենքը: Այդ օրենքի ընդունումը վկայում է ժողովրդավարության ոլորտում Ադրբեջանի դրական առաջխաղացման մասին: Այդ որոշման ընդունման մեջ մեծ դեր է խաղացել Ադրբեջանի նախագահ Իլհամ Ալիևի կամքը: Հետագայում այդ օրենքը կկիրառվի բոլոր նախկին նախագահների համար»:
Մութալիբովն Ադրբեջանի նախագահ է եղել 1990-1992 թվականներին, իսկ 1992 թվականից բնակվում է Մոսկվայում:
