Թուրքական Haberler.Com կայքի փոխանցմամբ՝ Թուրքիայի վարչապետ Ռեջեփ Էրդողանն իր գլխավորած «Արդարություն և զարգացում» կուսակցության (ԱԶԿ) ժողովի ժամանակ անդրադարձել է Թուրքիայի նոր կրթական համակարգին, որը հայտնի է որպես «4+4+4».
«Մենք երկրի համար պատրաստել ենք ամենահարմար կրթական համակարգը: Մենք փոփոխության ենք ենթարկել 1-8-րդ դասարանում սովորողների դասաժամերի ծանրությունը: Այժմ տարբեր դասարաններում թուրքերեն լեզվի դասաժամերի ծանրությունը գնալով նվազում է: Առաջին երկու տարիներին թուրքերեն լեզվի շաբաթական դասաժամերը կազմելու են 10 ժամ, 3-րդ և 4-րդ դասարաններում՝ 8 ժամ, 5-րդ և 6-րդ դասարաններում՝ 6 ժամ, 7-րդ և 8-րդ դասարաններում՝ 5 ժամ:
Մեր քրիստոնյա ու հրեա աշակերտները կկարողանան իրենց լեզվով սովորել իրենց կրոնները: Մեր ալևի համաքաղաքացիների համար անցկացվելու են կրոնական դասընթացներ: Մենք ներդնում ենք նաև օտար լեզու ընտրելու հնարավորություն: Դա վերաբերում է նաև քրդերենին»:
