Mac OS X Mountain Lion օպերացիոն համակարգը կթողարկվի 2012-ի հուլիսին: Այս մասին հայտնել է OS-ի մշակող Apple ընկերությունը Ծրագրավորողների համաշխարհային կոնֆերանսի (WWDC) ժամանակ:
Օպերացիոն համակարգը գնել հնարավոր կլինի Mac App Store ինտերնետ-խանութում: Mac-ի տերերին համար այն կարժենա 19,99 ԱՄՆ դոլար: Նրանք, ովքեր Mac համակարգիչ կգնեն այսօրվանից, կարող են ստանալ օպերացիոն համակարգի նոր տարբերակն անվճար:
Mac OS X Mountain Lion-ը համակարգչից պահանջում է 2 գիգաբայթ օպերատիվ հիշողություն և 8 գիգաբայթ ազատ տարածք սկավառակի վրա:
Նոր օպերացիոն համակարգը գովազդվել էր փետրվարին: Այն իր մեջ ներառում է Messages ծրագիրը, որը փոխարինում է նախորդ օպերացիոն տարբերակների iChat-ին, Games Center խաղային սոցցանց, ծանուցումների կենտրոն, համակարգչի անվտանգության ապահովման Gatekeeper գործիքը և այլ գործառույթներ:
Mountain Lion-ը (կուգուար) փոխարինելու է եկել Lion օպերացիոն համակարգին: Վերջինս վաճառքի էր դուրս եկել 2011-ի ամռանը: Apple-ի ներկայացուցիչները հայտարարել են, որ ОS Lion-ն օգտագործում են Mac սարքերի տերերի 40 տոկոսը:
