Իսպանացի հայտնի տենոր Խոսե Կարրերասն արժանացել է Սաարյան համալսարանի պատվավոր դոկտորի կոչմանը: Տիտղոսի հանձնման հանդիսավոր արարողությունն այսօր տեղի է ունեցել գերմանական Սաարբրյուկկեն քաղաքում։ Այս մասին գրում է itar-tass-ը:
Այսուհետ օպերային երգիչը honoris causa փիլիսոփայության դոկտոր է: «Շնորհիվ մեծն դրամատուրգների ստեղծագործությունների իր ինտերպրիտացիայի` մասնավորապես Ջուզեպպե Վերդիի «Դոն Կարլոս» օպերայի, Կարրերասը կյանքի է կոչել դրանք ուսումնասիրելու մոտեցման նոր չափանիշներ»,– ընդգծել է Սաարյան համալսարանի երաժշտագիտության ինստիտուտի ղեկավար Ռայներ Կլյաիներցը:
«Ես շատ ուրախ եմ, որ իմ երաժշտական աշխատանքը գնահատվել է մի համալսարանի կողմից, որի հետ ինձ կապում է լեյկիմեայի դեմ պայքարը»,-նշել է Կարրերասը: 1987 թվականին բժիշկները տենորին տվեցին սարսափելի ախտորոշում` լեյկիմեա, ինչը մեկ տարով ընդմիջեց նրա կարիերան: Կարրերասը ստեղծել է լեյկիմեայի դեմ պայքարի հիմնադրամ, ուր գնում է նրա համերգների հասույթը։
