Լիբիայում Միջազգային քրեական դատարանի ձերբակալված աշխատակիցների, այդ թվում՝ մեկ ռուսի նկատմամբ սահմանվել է 45-օրյա ձերբակալություն: Այս մասին հաղորդում է Agence France-Presse-ը: Լիբիայի դատական շրջանակներում եղած աղբյուրի տվյալներով` արտասահմանցիներին մեղադրում են ազգային անվտանգությանը սպառնալիք ստեղծելու մեջ: Գործակալության զրուցակիցը հավելել է, որ բոլոր չորսն էլ կալանված են հետաքննության ընթացքում:
Տրիպոլիում ռուսական դեսպանատանը 45-օրյա կալանքի մասին լուրը չեն հաստատել: Այս մասին հաղորդում է РИА Новости գործակալությունը` հղում կատարելով դեսպանատան աշխատակից Իլյա Սամունինին: Նրա խոսքերից երևում է, որ բոլոր չորսն էլ կալանված են, իսկ կալանքի ժամկետներն անհայտ են:
Ավելի վաղ ՌԴ ԱԳՆ-ն մեկնաբանել էր ստեղծված իրավիճակը: Համաձայն գերատեսչության հայտարարության` ռուս դիվանագետը ձերբակալված չէ, այլ մնացել է քաղաքում՝ ի նշան իր գործընկերների հետ համերաշխության: Գերատեսչությունում նշել են, որ Ալեքսանդր Խոդակովի նկատմամբ ոչ մի մեղադրանք չկա:
Դրա հետ մեկտեղ ԱԳՆ-ում հայտարարել են, որ կալանքի տակ են գտնվում ՄՔԴ-ի երկու աշխատակիցներ` փաստաբան Մելինդա Թեյլորը և նրա թարգմանչուհի Հելեն Ասսաֆը:
