Ինչպես հաղորդում է France Presse գործակալությունը, Եվրախորհրդարանը իջեցրել է ներկրման մաքսային վճարումները Լատինական Ամերիկալից ներկրվող բանաների համար: Այս վեճը, որ մամուլում հայտնի է որպես «բանանային պատերազմ», տևել է մոտ 20 տարի:
Մաքսային վճարումների իջեցման օգտին են քվեարկել 501 պատգամավոր, դեմ ` 114-ը: Եվրախորհրդարանը որոշում է կայացրել մինչև 2017 թ. մաքսերն իջեցնել աստիճանաբար: Մաքսը կիջնի մինչև 114 եվրո 1 տոննայի համար, ինչը 35%-ով պակաս է, քան ներկայիս մաքսային վճարումները:
Եվրոպացիները Լատինական Ամերիկայի նկատմամբ նման «պատժամիջոցները» պատճառաբանում էին նրանով, որ Աֆրիկայի, Կարիբյան և Խաղաղօվկիանոսյան տարածաշրջանում արտադրողները շատ չտուժեն:
Եվրամիությունը Լատինական Ամերիկայից բանանի ամենամեծ ներկրողն է` մոտ 70%: Եվս 20%-ը ԵՄ է ներկրվում են Աֆրիկայից, Կարիբներից և խաղաղօվկիանոսյան տարածաշրջանից, իսկ 10%-ն աճեցվում հենց ԵՄ տարածքում: