Հայերը կունենան 911 կամ 112 ծառայություն. այսօր հրավիրած մամուլի ասուլիսի ընթացքում արտակարգ իրավիճակների նախարար Արմեն Երիցյանը տեղեկացրեց, որ աշխատանքներ են տարվում 2011 թվականին Հայաստանում, ինչպես ԱՄՆ-ում և մի շարք այլ երկրներում է, 911 կամ 112 ծառայություն ունենալու համար, որպեսզի բնակիչները, զանգ տալով տվյալ ծառայություն, ստանան համապատասխան օգնություն:
Ինչպես նախարարը տեղեկացրեց՝ 1-02, 1-03, 1-04 ծառայությունները շարունակելու են իրենց գործունեությունը, և 911 ծառայությունը տվյալ ծառայությունների հետ ևս կհամագործակցի: Ի դեպ, նախարարը նկատեց, որ ամեն ինչ արվում է, որպեսզի ծառայությունն այս տարվանից սկսի գործել:
