«ԲՀԿ-ում «մաքրման» գործընթացը շարունակվում է. ԲՀԿ «հայրերը», կուսակցական և պատգամավորական ցուցակներն իրենց առջև դրած, գումարում-հանում են անում՝ ովքեր ում վստահելին են կուսակցությունում»,- գրում է «Հրապարակ»-ը և հավելում.
«ԲՀԿ մամլո քարտուղարի պաշտոնը վայր դնելու մասին երեկ հայտարարած Խաչիկ Գալստյանին կուսակցություն էր բերել ռուսական «կապեր» ունեցող, ԲՀԿ-ում առանձնապես յուրային չհամարվող Գրիգոր Պետրոսյանը, որը մինչև վերջերս լուրջ ազդեցություն ուներ Գագիկ Ծառուկյանի վրա. նա էր «կուրացիա» անում ԲՀԿ արտաքին կապերը, հիմնականում՝ ռուսական ֆավորիտ երկրների և նրանց լիդերի հետ: Նա էր ԲՀԿ համագումարին հրավիրել Խորվաթիայի նախկին նախագահ Ստեպան Մեսիչին:
Գ. Պետրոսյանն է «կարգավորել» Չինաստանի կոմկուսի ղեկավարի և Գագիկ Ծառուկյանի հարաբերությունները»: