ԿԳ փոխնախարար Արա Ավետիսյանն անդրադարձել է կրթության ոլորտում կոռուպցիայի խնդրին եւ նշել, որ ԿԳ նախարարությունը փորձ է անում կանոնակարգելու ամբողջ գործընթացը օրենսդրական դաշտի միջոցով, որ կոռուպցիոն ռիսկերը առավելագույնս բացառվեն: Նա նշել է նաեւ կոռուպցիան կանխարգելող մի քանի հնարավորություն, մասնավորապես` կրեդիտային համակարգը ենթադրում է ոչ միայն զուտ քննություն հանձնելով գնահատական ստանալ, այլեւ մի քանի գործոններ, որոնք ամբողջ ուսումնական գործընթացն են ընդգրկում, որը կախված չէ ուսանող եւ դասախոս հարաբերությունից, այլեւս միայն քննության պահին հնարավոր չէ գալ եւ գումարով կամ զանգով գնահատական ստանալ: Ըստ նրա` կոռուպցիան կրթական համակարգում բացառելու համար ուղղակի պետք է սովորել, եւ տարօրինակ դարձած այն ձեւաչափը, որը փորձում են օգտագործել կամ հրապարակավ հայտարարել` վճարել չսովորելու համար, ուղղակի ամոթ է առաջին հերթին այդ անձի, հետո նոր համակարգի համար: «Համակարգում արված է այնպես, որ գործնականում անիմաստ դառնա վճարել չսովորելու կամ բարձր գնահատական ստանալու համար»,- նշել է փոխնախարարը:
