Ստեփանակերտում կբացվի Ազգային պատկերասրահ:
Նախաձեռնությունը բարերար, ակադեմիկոս Գրիգոր Գաբրիելյանցին է, ով իր նկարների ողջ հավաքածուն նվիրում է պատկերասրահին: Պատկերասրահում կլինի մոտ 200 աշխատանք: Նկարների հավաքածուն կազմված է հայտնի և ոչ հայտնի նկարիչների աշխատանքներից, որոնք նվիրել են պատկերասրահին:
Գաբրիելյանցը նշեց, որ աշխարհի բոլոր մայրաքաղաքներում կան ազգային պատկերասրահներ, և ինքը կարծում են, որ Ղարաբաղը նույնպես իրավունք ունի ունենալ ազգային պատկերասրահ:
«Երբ մտածում էի և արդեն որոշել էի, որ պետք է անել սա, առաջնորդվում էի «Մշակույթը հավերժ է» գաղափարով: Սկզբում ընկերներիս հետ զրույցներ ունենալուց հետո, որոշեցինք, որ բոլոր նկարները պետք է նվիրաբերվեն պատկերասրահին»:
Պատկերասրահում աշխատանքներ կլինեն Մոնղոլիայից, Թուրքիայից, ԱՄՆ-ից, Եգիպտոսից, Ֆրանսիայից, Մեքսիկայից և այլ երկրներից: Հույս ունենք, որ այդ նկարների միջոցով կճանաչեն նաև այդ երկրները:
Հայաստանի նկարիչների միությունը կնվիրաբերի մոտ 100 աշխատանք իր պահոցներից: Եվս 5 աշխատանք կնվիրի մշակույթի նախարարությունը: